ضلت ذكرياتك...حصريا

ضلت ذكرياتك وانت ماكو
ولالحظة نستك دمعة عيوني

اجي الخانة ملابس هدمك المضموم
اشمك بي عطر وتشوفك ضنوني

اعرف ماترد الروحة موتسيار
بس شلون تغفة الليل من دوني

زغير بعدك اعلة الموت
لاضحكة بغيابك عرفت سنوني

تعبني الوكت اهات ماتخلص
كلما ردت انسى بيك ذكروني

انت عيوني يبني البيها الناس
هسة اعمى صرت من راحت عيوني

انة محتسب لله والقدر مكتوب
بس من البواجي طاحت جفوني

ربيتك الكبري تصيرلي جناز
وعلى متنك تحطني من تشيعوني

صرت جنازك اني وشايلك مكتول
وباد الحيل جدمي ومايشيلوني

عتبت اعلى الوكت بجناح مكسور
وشيفيد العتب واحبابي هجروني


بقلمي
عامر العراقي

نوران العماري ,اثير حلم ,قيصر فلسطين ,جرعةة نكوتين ,الملكة شهر زاد معجبون بهذا

الموضوع الأصلي: ضلت ذكرياتك...حصريا || الكاتب: الشاعرعامرالعراقي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: نبض الخواطر/ النصوص الحصريه بقلم العضو يمنع المنقول

---

qgj `;vdhj;>>>pwvdh