صمت عن حبك وادري عليه اصيام
مطلوب ارد اوفي بصايتك ورتاح

ما اصعب عليك ذنوبي كثرن حيل
وادريبك تحبني تريدنى سواح

اتجاهل اخطائك وارجع احجي وياك
ولا فكر خسارت شمت القداح

اريدك بس مزار الروح بيك اطوف
لا ريدن خسارة ولا اريد ارباح

ما وصف بحالي.. الناس ميرحمون
ولعزت نفسهم سيفهم ماطاح

ولا انتظر من عدهم جميله اشياء
اريدن صدق بيها من يكول امواح

شغفر والندم جاتلني كلش حيل
على كلشي هديته وانت تهدي ارماح

لا تغفر يكلبي دوم فاتح باب
اذا رادوك رادو دون كل الحاح

عشرتهم موقت مو بدون احساب
عشرت يوم مو اكثر وحبهم راح

اصبر لمن تنسى واحفظ النبضات
ترا بيع العزيز اجروحه ما تلاح

اباركلك اصيامك دوم وانا وياك
مانفطر على قلوب القصده امزاح

لو نتعاهد وياهم بحب يدوم
لو نلغي العشك ونضيع المفتاح.


الواافي/حصري/
شكرا روح المسك للتنسيق